Tekstong Argumentatibo -

Ito ay isang uri ng teksto na nangangailangang ipagtanggol ng manunulat ang posisyon sa isang tiyak na paksa o usapin gamit ang mga ebidensya mula sa personal na karanasan kaugnay ng mga literature, pag-aaral ng ebidensyang kasaysayan, at resulta ng empirical na pananaliksik.

MGA KATANGIAN

NG TEKSTONG

ARGUMENTATIBO

MAHALAGA AT

NAPAPANAHONG PAKSA.

Upang makapili ng angkop na paksa, pag isipan » ang iba'-ibang napapanahon at mahahalagang isyu na may bigat at kabuluhan. Makatutulong din kung may interes ka sa paksa, ngunit hindi ito sapat. Kailangan mo ring pag isipan kung ano ang makatuwirang posisyon na masusuportahan ng argumentasyon at ebidensya.

MAIKLI PERO MALAMAN AT MALINAW NA PAGTUKOY SA TESIS SA UNANG TALATA NG TEKSTO - Sa unang talata, ipinaliliwanag ng manunulat ang konteksto ng paksa sa pamamagitan ng pagtalakay nito sa pangkalahatan. Tinatalakay din sa bahaging ito kung bakit mahalaga ang paksa at kung bakit kailangang makialam sa isyu ang mga mambabasa.

Maaaring gumamit ng introduksiyon na makakuha ng atensyon ng mambabasa gaya ng impormasyon, estadistika, makabuluhang sipi mula sa prominenteng indibidwal, o kaya ay andekdota na may kinalaman sa paksa ng teksto.

MALINAW AT LOHIKAL NA TRANSISYON SA PAGITAN

NG MGA BAHAGI NG TEKSTO - Transisyon ang magpapatatag ng pundasyon g teksto. Kung walang lohikal na pagkakaayos ng kaisipan, hindi makakasunod ang mambabasa sa argumento ng manunulat at hindi magiging epektibo ang kabuuang teksto sa layunin nito. Nakatutulong ang transisyon upang ibuod ang idea sa nakaraang bahagi ng teksto at magbigay ng introdukson sa susunod na bahagi.

MAAYOS NA PAGKASUNOD-SUNOD NG TALATANG NAGLALAMAN NG GA EBIDENSIYA NG ARGUMENTO - Ang bawat talata ay kailangan tumatalakay sa iisang pangkalahatang ideya lamang. Ito ang nagbibigay linaw at direksiyon sa buong teksto. Tiyakin ding maikli ngunit malaman ang bawat talata upang maging mas madaling maunawaan ng mambabasa. Kailangan ding isaalang-alang ang lohikal na koneksyon ng bawat talata sa kabuuang tesis ng teksto at maipaliwanag kung paano at bakit nito sinusuportahan ang tesis. Gayunpaman, kailangang banggitin at paliwanag din ang iba't-ibang opinyon sa paksa at ang kaukulang argumento para dito, lalo na't ito ay taliwas sa sailing panindigan.

MAY MATIBAY NA EBIDENSYA PARA SA ARGUMENTO - Ang tekstong argumentatibo ay nangangailangan ng detalyado, tumpak, at napapanahong mga impormason mula sa pananaliksik na suporta sa kabuuang tesis.